Дзень ўсенароднай памяці ахвяр Вялікай Айчыннай вайны і генацыду беларускага народа
18 чэрвеня, напярэдадні Дня ўсенароднай памяці ахвяр Вялікай Айчыннай вайны і генацыду беларускага народа, установа «Заслужаны калектыў Рэспублікі Беларусь «Беларускі дзяржаўны акадэмічны тэатр юнага гледача» прадставіла спектакль «Вспомним всех поименно…» ў Дзелавым і культурным комплексе Пасольства Рэспублікі Беларусь у Расійскай Федэрацыі (г. Масква).
Рэжысёр‑пастаноўшчык — Таццяна Самбук.
У галоўных ролях — дырэктар, заслужаная артыстка Рэспублікі Беларусь Вера Палякова‑Макей і заслужаны артыст Рэспублікі Беларусь Леанід Улашчанка.
Паказ адбыўся ў адпаведнасці з Планам выкарыстання маёмасці Дзелавога і культурнага комплексу для правядзення мерапрыемстваў дзяржаўнымі органамі і дзяржаўнымі арганізацыямі Рэспублікі Беларусь на 2026 год, зацверджаным Міністрам замежных спраў Рэспублікі Беларусь.
Зала сабрала тых, для каго тэма памяці застаецца асабістай і значнай. Спектакль стаў магчымасцю спакойна і ўважліва ўспомніць лёсы людзей, чые гісторыі леглі ў аснову пастаноўкі.
- teatr@beltuz.by
