BY ENG Наш InstagramНаш InstagramНаш Вконтакте Наши Одноклассники

Адкрыццё 64-га тэатральнага сезона

19 верасня ў 15.00 у ТЮГу адбудзецца ўрачыстае адкрыццё 64-га тэатральнага сезона. Спектаклям адкрыцця традыцыйна стане “Сіняя птушка”.

Да свята ТЮГ падрыхтаваў насычаную праграму:

  • музычным прадстаўленнем гледачоў сустрэнуць студэнты Беларускай дзяржаўнай акадэміі музыкі;
  • інтэрактыўную праграму падрыхтуюць навучэнцы Мінскага дзяржаўнага педагагічнага каледжа. Кожны зможа далучыцца да флэшмобу і намаляваць сваю “Птушку шчасця”;
  • займальнымі гульнямі з мімамі парадуюць студэнты кафедры тэатральнай творчасці Беларускага дзяржаўнага ўніверсітэта культуры і мастацтваў;
  • у фае наведвальнікі могуць паглядзець выставу творчых работ навучэнцы Мастацкай школы №3 “Квітней, мая Беларусь!”;
  • асноўную забаўляльную праграму для дзяцей правядзе фокуснік-чараўнік Віталь Паўлаградскі.

У 16.00 у глядацкай зале распачнецца спектакль, святочная фантазія на дзве дзеі з антрактам “Сіняя птушка” (10+).

Самыя Каляды, а Цільціля й Міціль паклалі спаць. Ну хіба ж не крыўдна?! Брат з сястрой зайздросцяць дарослым і падглядаюць праз ваканіцы – а раптам пашанцуе ўбачыць цуд?  Дзеці так спадзяюцца і чакаюць, што цуд на Каляды здзяйсняецца: да іх прыходзіць Фея. Яна шукае чароўную Сінюю Птушку шчасця, просіць дзяцей дапамагчы і выпраўляе ў казачнае падарожжа. Прыглядаць за дзецьмі бярэцца  Душа Святла, спрыяючы ім пабыць і ў Мінулым, і ў Будучым, каб навучыцца адрозніваць зло ад дабра і бачыць свет не чорна-белым, а шматфарбным.

Аўтар п’есы “Сіняя птушка”  Марыс Метэрлінк (1862 - 1949) –  буйны драматург і тэарэтык сімвалізму, лаўрэат Нобелеўскай прэміі па літаратуры (1911) –  названы сучаснікамі “бельгійскім Шэкспірам”.

Казка-феерыя “Сіняя птушка” (1908) распавядае пра адвагу “незаўважнай” чалавечай душы і каштоўнасці звыклага паўсядзённага жыцця: п’еса зрабілася вяршыняй творчасці драматурга, дзе ён кажа “няшчасным пра шчасце, каб яны навучыліся яго разумець”.

Кошт квіткоў ад 5.00 да 9.00 рублёў.

Звяртацца па тэлефонах:

8 (029) 118-52-74; 8 (017) 327-48-50 – галоўны адміністратар тэатра Наталля Залеская

8 (017) 242-77-49 - адміністратары

8 (017) 242 77 31 – каса

IНШЫЯ НАВIНЫ:


26.11.2019

Дзень навукі ў Тэатры юнага гледача

16 лістапада ў ТЮГу адбыўся праект, прысвечаны Міжнароднаму дню навукі.

Падрабязней ...

22.11.2019

Як прайшоў 50-ы паказ «Сіняй птушкі»

Перад паказам юбілейнага 50-га спектакля «Сіняя птушка» ў ТЮГу адбыліся святочные мерапрыемствы.

Падрабязней ...

19.11.2019

ЮБІЛЕЙНЫ ПАКАЗ «СІНЯЙ ПТУШКІ»

24 лістапада ў 11.00 спектакль «Сіняя птушка» будзе паказаны ў 50-ы раз!

Падрабязней ...

24.10.2019

ЗМЕНЫ Ў РАСКЛАДЗЕ

Звярніце ўвагу – змяніўся час пачатку некаторых спектакляў!

Падрабязней ...

20.10.2019

Дзень маці ў ТЮГу

Тэатр далучыўся да святкавання Дня маці

Падрабязней ...

24.09.2019

Фотасправаздача з адкрыцця сезона

19 верасня мы ўрачыста адкрылі 64-ы тэатральны сезон! Больш здымкаў глядзіце ў нашых сацыяльных сетках.

Падрабязней ...

12.09.2019

“БЕЛАРУСКІЯ ВАДЭВІЛІ” Ў РАЗАНІ

Спектакль быў паказаны 15 жніўня на сцэне Разанскага драматычнага тэатра ў межах Другога міжнароднага форума старажытных гарадоў.

Падрабязней ...

12.09.2019

"Я бачу сонца" едзе ў Грузію

2 кастрычніка Тэатр юнага гледача прадставіць спектакль “Я бачу сонца” на Тбіліскім міжнародным тэатральным фестывалі.

Падрабязней ...